01.02.2010
Disputerer med diabetesforskning
Marjolein M. Iversen frå Høgskolen i Bergen disputerer for doktorgraden fredag 5. februar. Emnet i avhandlinga er diabetes og fotsår.
Marjolein M. Iversen disputerer med avhandlinga: “An epidemiologic study of diabetes-related foot ulcers. Issues related to prevention and mortality based on the Nord-Trøndelag Health Study (HUNT 2)” .
Målet med studia har vore å få kunnskap om personar med diabetes og fotsår som trengte meir enn tre veker på å gro.
I tillegg har Iversen undersøkt regelmessigheten i førebyggjande fotundersøkingar i diabetesomsorgen, samt psykisk helse og risiko for å døy.
Treng meir oppfølging
Trass i regelmessig diabetesoppfølging er det ikkje nok fokus på å førebyggje fotsår.
Studia viser at personer med diabetes som hadde hatt fotsår, har dobbel så stor risiko enn befolkninga elles for å døy. Dei har og 40 prosent større risiko for å døy enn personar med diabetes utan fotsår.
Ein bør difor organisere framtidig helseteneste slik at rutinar gir tidleg og tett klinisk oppfølging av denne pasientgruppa både i kommunehelsetenesta og sjukehus.
Fire artiklar
Doktorarbeidet består av fire artiklar publisert i internasjonale tidsskrifter, og er basert på datamateriale frå Helseundersøkelsen i Nord-Trøndelag (HUNT2). Doktorarbeidet utgår frå Institutt for samfunnsmedisinske fag ved Universitetet i Bergen.
Hovedveiledar er professor Berit Rokne, med professor Kristian Midthjell, professor Grethe Tell og professor Monica W. Nortvedt som medveiledarar.
Tidspunkt og stad for prøveforelesninga:
04.02.2010, kl. 14:15. Oppgitt emne: "Samhandlingsmodellar mellom primær- og spesialisthelsetenesta - kan dei betre kvaliteten i diabetesbehandlinga?"
Stad: Auditorium 2, Bygg for biologiske basalfag, Jonas Lies vei 91.
Tidspunkt og stad for disputasen:
05.02.2010, kl. 10:30, Auditorium 2, Bygg for biologisk basalfag, Jonas Lies vei 91.
Sist endret: 01.02.2010