Om høgskolen
Høgskolen i Bergen har cirka 6700 studentar og 660 tilsette. Høgskolen består av tre avdelingar, og er for tida lokalisert på seks ulike stader i Bergen. I 2014 skal høgskolen samlast i eit nybygg på Kronstad.
Innan ti år skal høgskulen ha bygt tilstrekkeleg kompetanse til å bli eit universitet med forsking, utviklingsarbeid og formidling retta mot yrka vi utdannar for.
Fagleg profil
Utdanning og forsking ved høgskulen skal dekkja kunnskapsbehov i samfunnet, og hjelpa til å møta både lokale og globale utfordringar knytte til mellom anna klima, energi, velferd, fattigdom, utdanning og demografiske endringar.
Dette utgjer den faglege profilen til høgskulen:
- Teknologi, økonomi og innovasjon: Kunnskapsutvikling for eit nyskapande samfunns- og næringsliv
- Energiteknologi: Kunnskapsutvikling for berekraftig produksjon og effektiv bruk av energi
- Informasjons- og kommunikasjonsteknologi: Utdanning og forsking innanfor programutvikling med vekt på distribuerte IKT-system og teknisk bruk av slike system
- Kunstfag: Utvikling av skapande kompetanse knytt til form, innhald og formidling
- Utdanningsvitskap: Utforsking av møte mellom utdanning, vitskap og yrkespraksis
- Kunnskapsbasert praksis: Eit grunnlag for kvalitet i utdanning og profesjonsutøving
- Omsorgsforsking: Kunnskapsutvikling for heilskaplege omsorgstenester, med særleg vekt på tenester for eldre
- Samfunnsarbeid: Kunnskapsutvikling for å førebyggja og snu negative sosiale prosessar i lokalsamfunn i samspel med medlemene i det aktuelle miljøet
Historikk
Høgskolen blei etablert i 1994 etter sammenslåing av 6 høgskolar med ulike faglege profilar.
Felles for desse høgskolane var tilbod om profesjonsutdanningar innan helse- og sosialfag, ingeniør- og økonomisk-administrativ utdanning, musikkutdanning og lærarutdanning.
Frå 1.1.2005 er Statens dykkerskole overført til Høgskolen i Bergen.
Sist endret: 28.03.2012